Inicio 
Mocidade e Solidariedade O Nóbel da Paz Alternativo, Martín Almada, abrirá o ciclo Conversas Solidarias da Concellaría de Solidariedade
Mocidade e Solidariedade O Nóbel da Paz Alternativo, Martín Almada, abrirá o ciclo Conversas Solidarias da Concellaría de Solidariedade
| O Nóbel da Paz Alternativo, Martín Almada, abrirá o ciclo Conversas Solidarias da Concellaría de Solidariedade |
 |
 |
 |
| Luns, 08 Marzo 2010 18:07 | |||
A CITA SERÁ MAÑÁ ÁS 20.30 HORAS NA CASA MUSEO CASARES QUIROGAA Concellería de Mocidade, Solidariedade e Normalización Lingüística que dirixe a nacionalista Ermitas Valencia organizará mañá na Casa Museo Casares Quiroga unha conferencia do Nóbel da Paz Alternativo en 2002, Martín Almada, dentro do ciclo Conversas Solidarias. Deste xeito, o Ciclo Conversas Solidarias arranca o ano coa conferencia de Martín Almada, un dos sobreviventes da Operación Cóndor, que levou o terror a todo o cono sur americano, con máis de cen mil vítimas. Martín Almada é Premio Nóbel Alternativo da Paz en 2002 e descubridor dos arquivos secretos da Operación Cóndor en Paraguai en 1992. Membro do Comité Internacional de Apoio ao Tribunal Russell é un símbolo da defensa dos dereitos humanos de América Latina. Sufriu cadea e tortura ao consideralo o réxime do ditador paraguaio Alfredo Stroessner terrorista intelectual pola edición da súa tese de doutoramento “Paraguai: Educación y Dependencia” en 1974. Exíliase a Panamá e logo a Francia como traballador da UNESCO até 1992 onde desenvolveu programas educativos para África e América Latina. Máis información en http://www.martinalmada.org A conferencia co título “O cóndor segue voando” comezará ás 20.30h é está organizada co Cosal da Coruña. A entrada é libre até completar aforo.
|