|
Xoves, 18 Febreiro 2010 15:14 |
ESTA FEIRA DE PRODUCTOS ECOLÓXICOS QUE CHEGA ESTE SÁBADO A SÚA TERCEIRA EDICIÓN CONTARÁ COA PARTICIPACIÓN DE DOUS ALUMNOS DA ESCOLA DE HOSTELARÍA QUE VENDERÁN ‘FILLOAS SOLIDARIAS’ A PARTIR DAS 12.00 HORAS
A Feira de productos ecolóxicos e naturais, Mercanatura, organizada pola Asociación de Veciños dos Rosais en colaboración da Primeira Tenencia de Alcaldía dirixida polo nacionalista Henrique Tello e a Concellaría de Igualdade e Participación Cidadá dirixida por Margarida Vázquez continua este vindeiro sábado cunha nova cita desde ás 10.30 horas na Praza Elíptica dos Rosais.
Nesta ocasión ademais contarase coa participación da Escola de Hostelaría San Javier de Coruña que confirmo a súa participación nesta terceira edición coa realización a partir das 12.00 horas por parte de dous dos seus alumnos de ‘filloas solidarias’ que se venderán a un prezo simbólico, co obxectivo de recadar o máximo posible que posteriormente serán enviados aos damnificados polo terremoto de Haití.
Programación:
10.30 h.: apertura de Mercanatura.
11.00 h.: Obradoiros de disfraces e maquillaxe. (Trataríase de axudar aos nenos a confeccionar disfraces de froitas, verduras e animais a partir de bolsas plásticas, cartulinas e papeis de cores, así como de maquillalos adecuadamente).
12.00 h: apertura do stand de venda da “Filloa Solidaria” (cuxos beneficios van destinados aos damnificados do terremoto de Haití).
12.00 h.: concentración das comparsas na entrada da Praza Elíptica e inicio do desfile pola r/ Manuel Azaña ata a r/ Rodríguez Castelao (e volta á Praza Elíptica).
13.00 h.: rota do tapeo carnavaleiro e verbena amenizada polo Dúo Café.
15.00 h.: clausura de Mercanatura e da festa. |
|
Mércores, 16 Decembro 2009 18:34 |
A INICIATIVA PARTIU DA ASOCIACIÓN DE VECIÑOS DOS ROSAIS E CONTA COA COLABORACIÓN DAS CONCELLARÍAS DE PROMOCIÓN ECONÓMICA E PARTICIPACIÓN CIDADÁ TRÁTASE DUNHA INICIATIVA PIONEIRA COA QUE NON SÓ SE BUSCA DINAMIZAR O BARRIO SENÓN TAMÉN APOIA O IMPULSO DA ACTIVIDADE ECONÓMICA DA CIDADE AO TEMPO QUE SUPÓN UNHA APOSTA POLA CALIDADE E O CONSUMO RESPONSABLE O vindeiro sábado 19 de decembro o barrio dos Rosais acollerá a primeira edición da feira de productos ecolóxica ‘Mercanatura’, iniciativa coa que se busca non só fomentar o autoconsumo no barrio senón tamén atraer novos clientes procedentes de fora do barrio ou mesmo animar a outros comerciantes e profesionáis a instalarse nesta zona da cidade. Esta iniciativa naceu da Asociación de Veciños coa finalidade de dinamizar ao barrio de os Rosais tanto a nivel económico como social e conta coa colaboración e apoio das concellarías de Promoción Económica e Participación Cidadá. Así, o Primeiro Tenente de Alcalde, Henrique Tello e a Concelleira de Participación Cidadá, Margarida Vázquez acompañados polo presidente da asociación de veciños, Fernando Carrillo, presentaron este mercado pioneiro na cidade co que se apostas por unha volta á terra, ao natural, pola calidade sen aditicos, con garantías, das máns do productor ou artesán directamente ao consumidor. |
|
Ler máis...
|
Participación Cidadá
